UFC президенти Дана Уайт 22 июнь куни бўлиб ўтадиган турнирда Ҳамзат Чимаевнинг Австралия вакили Роберт Уиттакерга қарши жангдан воз кечгани ҳақида баёнот берди. Чимаев касалхонага ётқизилгани аввалроқ хабар қилинганди.
“Афсуски, Ҳамзат Чимаев Саудия Арабистонида келаси дам олиш кунларидаги жангда қатнашмайди, у қаттиқ касал, шунинг учун у уйига қайтади ва умид қиламанки, тез орада тузалиб кетади”, — дея Уайт сўзларини келтирган БЖ Пенн.
Аввалроқ, россиялик аралаш яккакураш жангчиси Икрам Алискеров Австралия вакили Уиттакер билан жангда Чимаев ўрнини эгаллаши хабар қилинганди.
Чимаев аралаш яккакурашлар (MMA) да жами 13 та жанг ўтказиб, уларнинг ҳаммасида ғалаба қозонган. Чимаев олтита жангни муддатидан аввал якунлаган.
Изоҳ (0)