UFC президенти Дана Уайт нима учун Ислом Махачев эмас Жон Жонс промоушеннинг энг яхши жангчиси эканлиги борасида ўз фикрларини билдириб ўтди.
“Ислом Жондан ўтиб кетиши учун нима қилиши керак? P4P нима дегани? Махачев икки марта ярим енгил вазндаги спортчини енгди. Жонс эса оғир вазндаги жангчи устидан ғалаба қозониб, чемпионга айланди. Келинг, иккаласини битта хонага қамаймиз, қай бири хонадан ғолиб сифатида чиқади? Жон Жонс ғалаба қозонади.
У 3 йиллик танаффусдан сўнг октагонга қайтди ва осонгина ғолиб бўлди. Жонс — тарихдаги энг яхши жангчи. Жон 10 ноябрь куни Стипега (Миочич) қарши жанг қилади деб умид қиламан”, — дейди Дана Уайт.
Эслатиб ўтамиз, Жонс сўнгги бор 2023 йил 5 март куни UFC 285 турнири доирасида бўлиб ўтган жангда Жон Жонс оғир вазн тоифасида вакант камар учун Сирил Ганга (11-2) қарши жанг қилганди. Ярим оғир вазн тоифасининг собиқ чемпиони биринчи раунддаёқ Ганни бўғиш усули билан таслим этиб, оғир дивизион титулига эга чиққанди.
Жонс 2023 йилнинг ноябрида Миочичга қарши жанг қилиши керак эди. Бироқ Жоннинг жароҳати туфайли жанг бекор бўлганди. Энди улар ўртасидаги қарама-қаршилик ноябрь ойида бўлиб ўтиши тахмин қилинмоқда.
Изоҳ (0)