UFC президенти Дана Уайт аралаш яккакурашлар (MMA) бўйича америкалик жангчи ва промоушеннинг оғир вазн тоифаси чемпиони Жон Жонс ҳақида гапирди.
“Менимча, у жанговар спорт тарихидаги энг буюк жангчи. У барча даврларнинг энг буюк жангчиси. Жон Жонс, эҳтимол, сайёра бўйлаб сайр қилган энг зўр инсон. Мен севадиган Али, Тайсон ва бошқа кўплаб оғир вазнли спортчилар бор. Аммо Жон Жонс яхшироқ”, деди Уайт YouTube каналларидан бирига берган интервьюсида.
Жонс профессионал даражада 29 та жанг ўтказган, улардан 27 тасида ғалаба қозонган (10 таси нокаут билан), бир бора мағлубиятга учраган ва у иштирокидаги битта жанг ҳақиқий эмас деб топилган.
Изоҳ (0)