Дана Уайт машҳур UFC юлдузи Конор Макгрегорни бокс афсонаси Муҳаммад Али билан таққослади.
“Мен одамларни Али билан солиштиришни ёқтирмайман, чунки у нафақат жангчи, балки шахс сифатида ҳам энг буюкдир. Аммо менталитет ва психология ҳақида гапирадиган бўлсак, Макгрегор у билан бир хил даражада.
Макгрегор икки дивизионда UFC чемпиони ва жаҳон юлдузи сифатида юксалган пайтда у октагонда бўлгани каби унинг ташқарисида ҳам ўз обрўсига эга бўлди. Жосе Алдо, Эдди Алварес ва Нейт Диаз устидан қозонилган эсда қоларли ғалабалар Макгрегор ва UFC учун улкан муваффақиятларга олиб келди.
Жангда ақл билан уришиш ҳақида гап кетганда улар тарихдаги энг яхшиларидир. Али Африкада Жорж Форманга қарши жангда нималар қилганини эсланг. У Жо Фрэйзерга нима қилганини эсланг. Энди Конорга қаранг.
У барча рақибларини унинг қоидалари билан жанг қилишга мажбур қилади. Конор рақибига руҳий босим ўтказади, кейин эса уни ҳар жиҳатдан камситиб, оқибатда уни ортда қолдириши мумкин”, — деди UFC президенти Дана Уайт.
Изоҳ (0)