НАТО ҳали ҳам Украинага аъзолик ёки альянсга таклифнома беришга тайёр эмас.
Бу ҳақда АҚШнинг НАТОдаги доимий вакили Жулиан Смит Politico газетасига берган интервьюсида маълум қилган.
"Ҳозирча альянс Украинага аъзоликни таклиф қилишга тайёр эмас", деди у.
Жулиан Смитнинг сўзларига кўра, биринчи навбатда Европа Иттифоқига мудофаа учун харидлар бўйича қўйилган чекловлар Украинага ёрдам кўрсатишга тўсиқ бўлади.
"Европа Иттифоқидаги харидлар бўйича чекловлар ҳақиқатан ҳам Украинадаги дўстларимизга ёки қурол танқислигини бошдан кечираётган иттифоқ мамлакатларига имкон қадар қисқа вақт ичида ёрдам беришига ишончим комил эмас", деди у.
Бундан ташқари, АҚШ доимий вакили Қўшма Штатларнинг Европа давлатларини НАТО доирасида ҳимоя қилишдан бош тортиши эҳтимоли ҳақида фикр билдирди.
"75 йил давомида АҚШнинг барча сиёсий йўналишдаги президентлари ушбу иттифоқни қўллаб-қувватлаб келишди ва унда етакчиликни таъминлаш мажбуриятини олдилар. Мен 5 ноябрь куни нима бўлишидан қатъи назар, Қўшма Штатлар келажакда ҳам бу вазифани бажаришда давом этишига тўлиқ ишонаман", - деди Смит.
Изоҳ (0)