NATO hali ham Ukrainaga a'zolik yoki alyansga taklifnoma berishga tayyor emas.
Bu haqda AQShning NATOdagi doimiy vakili Julian Smit Politico gazetasiga bergan intervyusida ma’lum qilgan.
"Hozircha alyans Ukrainaga a'zolikni taklif qilishga tayyor emas", dedi u.
Julian Smitning so‘zlariga ko‘ra, birinchi navbatda Yevropa Ittifoqiga mudofaa uchun xaridlar bo‘yicha qo‘yilgan cheklovlar Ukrainaga yordam ko‘rsatishga to‘siq bo‘ladi.
"Yevropa Ittifoqidagi xaridlar bo‘yicha cheklovlar haqiqatan ham Ukrainadagi do'stlarimizga yoki qurol tanqisligini boshdan kechirayotgan ittifoq mamlakatlariga imkon qadar qisqa vaqt ichida yordam berishiga ishonchim komil emas", dedi u.
Bundan tashqari, AQSh doimiy vakili Qo'shma Shtatlarning Yevropa davlatlarini NATO doirasida himoya qilishdan bosh tortishi ehtimoli haqida fikr bildirdi.
"75 yil davomida AQShning barcha siyosiy yo'nalishdagi prezidentlari ushbu ittifoqni qo'llab-quvvatlab kelishdi va unda yetakchilikni ta'minlash majburiyatini oldilar. Men 5 noyabr kuni nima bo'lishidan qat'i nazar, Qo'shma Shtatlar kelajakda ham bu vazifani bajarishda davom etishiga to'liq ishonaman", - dedi Smit.
Izoh (0)