O‘zbekistonlik mutaxassis Usmon Toshev Afg‘oniston milliy jamoasi bosh murabbiyiga aylandi.
O‘zbekiston futbol assotsiatsiyasi terma jamoalar bo‘limi boshlig‘i lavozimida faoliyat yuritib kelgan Usmon Toshev qo‘shni mamlakat milliy jamoasi bosh murabbiyi sifatida ish boshladi. Tomonlar 1 yillik shartnoma imzolagan. Kecha, 21-oktyabr kuni Qobulda o‘tkazilgan matbuot anjumanida bu haqda e’lon qilindi..
59 yoshli Usmon Toshev murabbiy sifatida “Buxoro”, “Nasaf” klublarini boshqargan, shuningdek, O‘zbekiston milliy jamoasida yordamchi murabbiy bo‘lib ishlagan. 2018—2021-yillar davomida Tojikiston milliy jamoasi bosh murabbiyi sifatida faoliyat yuritgan.
Ma’lumot uchun, Afg‘oniston milliy jamoasi FIFA reytingida 152-o‘rinni egallab turibdi.
Bungacha Afg‘oniston termasini angliyalik murabbiy Eshli Vestvud boshqargan edi.
Izoh (0)