Футбол бўйича Ўзбекистон миллий терма жамоаси 3 сентябрь, пайшанба куни Тошкентда Тожикистон термасига қарши ўртоқлик ўйинида иштирок этади.
Учрашувда «Локомотив» стадиони мезбонлик қилади. Ўйин 19:00 да бошланиши белгиланган. Баҳсни ўзбекистонлик Аҳрол Рисқуллаев бошқариб боради. Унга қанотларда Алишер Усмонов, Санжар Шоюсупов ёрдам беради. Захира ҳаками эса Жасур Мухторов.
Статистика
Ўзбекистон қўшни Тожикистон терма жамоаси билан ҳозирга қадар жами саккиз марта тўқнаш келган. Ушбу баҳсларнинг тўрттасида ўзбекистонлик футболчилар ғалаба қозонган бўлса, учта ўйин дуранг билан якунига етган. Фақат битта баҳсда тожикистонлик футболчилар ғалабани ўзиники қилган.Ўзаро учрашувлар тарихи
1. Тожикистон—Ўзбекистон 2:2Голлар: 1:0 — 62 Игор Шквирин, 1:1 — 72 Мухсин Муҳаммадиев, 1:2 — 74 Рустам Абдуллаев, 2:2 — 86 Мухсин Муҳаммадиев.
Ўйин 1992 йил 17 июнда Марказий Осиё мамлакатлари кубоги мусобақаси доирасида ўтказилган.
2. Ўзбекистон—Тожикистон 1:1
Голлар: 0:1 — 25 Валентин Шашков, 1:1 — 36 Игор Черевченко (автогол).
Ўйин 1994 йил Мустақиллик Кубоги мусобақаси доирасида ўтказилган.
3. Тожикистон—Ўзбекистон 4:0
Голлар: 1:0 — 3 Ҳаким Фузайлов, 2:0 — 65 Алиёр Ашурмамадов, 3:0 — 67 Алиёр Ашурмамадов, 4:0 — 87 Арсен Аваков.
Осиё Кубоги—1996 мусобақаси саралаш босқичи доирасида ўтказилган баҳс.
4. Ўзбекистон—Тожикистон 5:0
Голлар: 1:0 — 4 Миржалол Қосимов, 2:0 — 8 Сергей Андреев, 3:0 — 33 Миржалол Қосимов, 4:0 — 72 Игор Шквирин, 5:0 — 95 Зафар Мусабоев.
Осиё Кубоги—1996 мусобақаси саралаш босқичи доирасида ўтказилган жавоб баҳси.
5. Ўзбекистон—Тожикистон 0:0
Осиё Кубоги—2004 саралаш босқичи доирасида ўтказилган учрашув.
6. Ўзбекистон—Тожикистон 4:1
Голлар: 1:0 — 36 Владимир Шишелов, 2:0 — 43 Владимир Шишелов, 3:0 — 48 Темур Кападзе, 4:0 — 62 Леонид Кошелев, 4:1 — 85 Пирмурод Бурхонов.
Осиё Кубоги—2004 саралаш босқичи доирасида ўтказилган учрашув.
7. Тожикистон—Ўзбекистон 0:1
Гол: 0:1 — 72 Максим Шацких.
ЖЧ—2014 саралашининг 3-босқичи доирасида ўтказилган ўйин
8. Ўзбекистон—Тожикистон 3:0
Голлар: 1:0 Санжар Турсунов, 2:0 — 60 Одил Аҳмедов, 3:0 — 72 Александр Гейнрих.
ЖЧ—2014 саралашининг 3-босқичи доирасида ўтказилган ўйин
Маълумот учун, Тожикистон терма жамоасини айни дамда ўзбекистонлик мутахассис Усмон Тошев бошқармоқда.
Тошев Ўзбекистонга қарши ўйин учун қуйидаги футболчиларни терма жамоага жалб қилган:
Дарвозабонлар: Рустам Ятимов («Истиқлол»), Шохрух Қирғизбоев («Локомотив-Помир»), Қурбонали Бобоев («Кўктош»);
Ҳимоячилар: Ахтам Назаров, Табрези Давлатмир, Зоир Жўрабоев, Вахдат Ханонов (ҳаммаси — «Истиқлол»), Манучеҳр Сафаров («Локомотив-Помир»), Хуршед Бекназаров, Алишер Баротов (иккиси — «Хўжанд»), Давронжон Эргашев («Бунёдкор»);
Ярим ҳимоячилар: Алишер Жалилов, Амирбек Жўрабоев, Эҳсони Панчшанбе, Муҳаммаджон Раҳимов (ҳаммаси — «Истиқлол»), Илҳом Баротов («Истаравшан»), Умаржон Шарипов («Хатлон»), Шарафжон Солехов («Файзқанд»), Комрон Турсунов («Мохун Баган», Ҳиндистон), Хуршед Абдуллоев («Душанбе-83»);
Ҳужумчилар: Манучеҳр Жалилов, Шериддин Бобоев (иккиси — «Истиқлол»), Жаҳонгир Эргашев, Дилшод Бозоров, Тохир Малодустов (ҳаммаси – «Хўжанд»)
Вадим Абрамов эса қуйидаги ўйинчилардан Тожикистонга қарши баҳсда фойдаланиши мумкин:
Дарвозабонлар: Элдор Суюнов («Пахтакор»), Абдувоҳид Неъматов («Насаф»), Ботирали Эргашев («Қўқон-1912»);
Ҳимоячилар: Иброҳимҳалил Йўлдошев («Бунёдкор»), Санжар Қодирқулов («Бунёдкор»), Мурод Холмуҳаммедов («Қўқон-1912»), Анзур Исмоилов («Пахтакор»), Игор Голбан («Навбаҳор»), Исломжон Қобилов («Бунёдкор»), Ҳусниддин Алиқулов («Насаф»), Ҳожиакбар Алижонов («Пахтакор»);
Ярим ҳимоячилар: Искандар Шайқулов («Сўғдиёна»), Қувондиқ Рўзиев («Қўқон-1912»), Ҳожимат Эркинов (ОКМК), Лутфулла Тўраев («Бунёдкор»), Ойбек Бозоров («Насаф»), Азиз Турғунбоев («Навбаҳор»), Нурилло Тўхтасинов («Бунёдкор»), Ойбек Рустамов («Қўқон-1912»), Аброр Исмоилов («Пахтакор»), Фаррух Икромов («Бунёдкор»), Акмал Мозговой («Насаф»), Суҳроб Бердиев («Қўқон-1912»);
Ҳужумчилар: Шоҳруз Норхонов («Сўғдиёна»), Шаҳзод Убайдуллаев («Металлург»), Темурхўжа Абдухолиқов («Локомотив»).
Изоҳ (0)