Криштиану Роналду тўп сураётган Саудиянинг “Ан-Насср” клуби Эроннинг “Истиқлол” клубига қарши майдонга тушиши керак. Осиё Чемпионлар Лигасидан ўрин олган ушбу учрашув Теҳрондан Дубайга кўчирилади. Бу ҳақда Испаниянинг АС нашри хабар берди.
Манбага кўра, бундай қарорга Саудия Арабистони клубининг хавфсизлик нуқтаи назаридан Эронда ўйнашдан бош тортгани сабаб бўлган. Шу тариқа ўйин 22 октябрь куни бўлиб ўтади.
Эслатиб ўтамиз, аввалроқ Осиё футбол конфедерацияси Ҳиндистоннинг “Моҳун Баган” клубини Табризда бўлиб ўтиши керак бўлган Эроннинг “Трактор” жамоаси билан сафар ўйинига келмагани учун Осиё Чемпионлар Лигасининг иккинчи дивизионидаги мусобақасидан четлатилган эди.
Изоҳ (0)