Маълумки, эртаклардаги маликалар ҳар доим чиройли ва нафосатли бўлишади. Ҳақиқий ҳаётда ҳам шундайми?
Дана ал-Халифа — Баҳрайн валиаҳд шаҳзодаси Салмон ибн Ҳамад ибн Исо ал-Халифанинг қизи.
Малика Дана Баҳрайн валиаҳд шаҳзодаси оиласида туғилган ва Лондонда таҳсил олган. Британия услубидан илҳомланиб, у The Overdressed номли мода блогига асос солган. Унинг ғояси мусулмон аёлларга қатъий анъаналарни бузмасдан, қандай қилиб қизиқарли ва замонавий тарзда кийинишни кўрсатиш эди ва у бунинг уддасидан чиқди.
Кейинчалик у Европа мода кўргазмаларида қатнашган биринчи араб мода блогерига айланди. Ҳозир Дана эри Сулаймонан Аззуни ва қизи Алия билан тинч оилавий ҳаёт кечирмоқда.
Маита ал-Мактум — Дубай шайхи Рашид ибн Саид ал-Мактумнинг қизи.
Дубай шайхининг қизи малика Маитанинг амбициялари болалигиданоқ спортга қаратилган эди. Отаси қизини фаол қўллаб-қувватлади, шунинг учун қиз бу соҳага жиддий киришди ва профессионал каратэчига айланди. Ўзининг юксак мавқейи туфайли, ҳаттоки, бир муддат БАА каратэ жамоасини бошқаришга ҳам рухсат берилди.
Малика шахсий ҳаётининг тафсилотларини реклама қилмайди, шунинг учун унинг йигити бор-йўқлиги номаълум.
Адила бинту Абдуллоҳ — Саудия Арабистони собиқ қироли Абдуллоҳ ибн Абдулазиз ас-Сауднинг қизи.
Малика Адила араб аёлларининг ҳаётини яхшилаш бўйича ислоҳотлар билан шуғулланади: уларнинг машина ҳайдаш ҳуқуқи ва соғлиғини сақлашни фаол ҳимоя қилади. Қиз оиладаги зўравонликка қарши, аёллар гуруҳлари ва ташкилотларини қўллаб-қувватлайди.
Бундан ташқари Адила абая — танани бутунлай қоплайдиган қора либосни мажбурий кийишга қарши. 13 ёшдан бошлаб қизлар бундай кийимларни кийишлари шарт ва бу, албатта, уларнинг индивидуаллигини бутунлай ўлдиради.
Адила турмушга чиққан, олти фарзанди бор: икки ўғил ва тўрт қиз. Қизиғи шундаки, малика амакиваччаси Файсал ибн Абдуллоҳ билан турмуш қурган.
Латифа ал-Мактум — БАА бош вазири ва Дубай ҳукмдори Муҳаммад ибн Рашид ал-Мактумнинг қизи.
Араб ҳукмдорларининг барча қизлари Дана ва Адиланикидай яхши ҳаёт кечиришмаган. Дубай ҳукмдорининг 25 фарзандидан бири Латифанинг фожиали ҳикояси бунинг исботи.
2018 йил февраль ойида у мамлакатдан қочишга уринган. Қочишдан бироз олдин суратга олинган видеода қиз отаси унга қанчалик шафқатсиз муносабатда бўлганлиги ҳақида гапириб берган.
Ота-она зулмидан қутулишга бўлган уриниш муваффақиятсиз тугайди: Латифа уйига қайтарилади. Малика таслим бўлмайди — ҳеч қандай тиббий ёрдамсиз эшиклари ва деразалари қулфланган виллада ёлғиз қолгани ҳақидаги навбатдаги видеони ёзади. Ёзув BBCга етиб боради ва улар содир бўлган воқеага жамоатчилик эътиборини қаратади. Афсуски, бахтсиз малика қиссаси нашр этилганидан кейин ҳам вазият унчалик ўзгармайди — Латифа ҳамон отасининг қўл остида. 2000 йилда қочишга уринган катта опаси Шамса ҳам худди шундай тақдирга дуч келади.
Ҳая бинту ал-Ҳусайн — Иордания собиқ қироли Ҳусайн ибн Талалнинг қизи.
Иордания маликаси Хаянинг ҳикояси ҳам ҳайратланарли даражада бўлиб, у дубайлик Шайх Муҳаммад билан боғлиқ. У 2004 йилда Латифа билан боғлиқ жанжал бошланишидан олдин унинг хотини бўлган. Малика меҳрибон ва қувноқ соҳибжамол сифатида танилган, у от спорти ва оммавий тадбирларда қатнашишни яхши кўрган.
Бироқ Хая эрининг тажовузкорлиги туфайли ундан қўрқа бошлайди. Шайх икки қизини мажбуран қамаб қўйганини билгач, у ҳам болалари билан қочишга қарор қилади.
Малика қочишга муваффақ бўлди — у Лондон Олий судига мурожаат қилди ва ғалаба қозонди. Ажримдан сўнг Шайх Муҳаммад унга 554 миллион фунт стерлингдан ортиқ товон тўлади.
Изоҳ (0)