Собиқ маликалар: расмий вазифаларидан воз кечиб, ўзи ёқтирган фаолият билан шуғулланаётган қироллик оиласи аъзолари

Қироличалар ўз вазифаларидан воз кечгандан кейин уларнинг ҳаёти қандай давом этди? Баъзилари болалар учун китоб ёзади, яна бири аёлларнинг ҳуқуқ ва эркинликларини ҳимоя қилди. Эҳтимол, улар расмий мажбуриятларни бажармаслик учун тегишли имтиёзлардан воз кечган бўлиши мумкин, аммо уларнинг олиб бораётган фаолияти бунга таҳсинга сазовор.

Малика Нори

Собиқ малика фахрий император Акихито ва унинг рафиқаси қиролича Мичиконинг кенжа фарзанди, Япониянинг 126-императори Нарухитонинг синглиси. Илгари Нори орнитолог эди. 2005 йилда 36 ёшли қиролича ўз ҳаётини расмий аристократиядан бўлган, аммо кучини йўқотган, дизайнер Ёшики Курода билан боғлади ва император оиласини тарк этиб, мавқейидан воз кечди. Кейинчалик малика Аяко ва малика Мако унинг изидан борди, улар ҳам оддий одамларга турмушга чиқди. Ҳозирда Нори 2017 йилда холаси Ацуко Икеданинг ўрнига Япониядаги энг муҳим Исе зиёратгоҳида олий руҳоний бўлиб хизмат қилмоқда.

Малика Марта Луиза

Малика Марта Луиза Норвегия қироли Гаралд V ва қиролича Sonyанинг тўнғич фарзанди. У Норвегиянинг машҳур эртакчиси сифатида танилган ва унинг болаларга бағишланган «Нега қирол ва маликалар тож киймайди?» ҳикояси катта муваффақият қозонган. Кейинчалик маликанинг бу ролига янада ноодатий ампула қўшилди. 2002 йилда Марта Луиза ўз унвонидан воз кечди ва  марҳум ёзувчи Ари Бенга турмушга чиқди. Улар уч нафар фарзанд кўрган. Турмушга чиққанидан бир неча йил ўтгач, Astarte Education’нинг «фаришталар мактаби»га асос солди.

Марта Луизанинг ҳаётини зерикарли деб бўлмайди. 2019 йилда қиролнинг қизи ўз Instagram’ида иш фаолияти туфайли малика унвонидан воз кечишини маълум қилган. Уни ўзининг «Малика ва шаман» тури учун унвонидан фойдаланганликда айблашган эди. Шунингдек, сарой ҳам унинг қарорини тасдиқловчи пресс-релизни тақдим этган.

Малика Амира

Малика Амира 2008 йилда шаҳзода Ал-Валид ибн Талалга турмушга чиққани туфайли Саудия Арабистони ҳукмрон қироллик оиласи Сауд хонадони аъзосига айланганди. 2013 йилда қироллик оиласи билан хайрлашгандан кейин ҳам Амира хайриячи, жамоат арбоби, компания асосчиси ва бош директори сифатида барчанинг диққат марказида. Бугунги кунда малика фуқаролик ҳуқуқлари ва имкониятларининг ашаддий ҳимоячиси сифатида аёлларнинг автомобиль бошқариши, тенг меросдан фойдаланиши ва ажрашгандан кейин болаларнинг ҳуқуқини ҳимоя қилиш ҳақида иш олиб боради.

Малика Уболратана

Уболратана Таиланднинг марҳум қироли Пумипон Адулядет ва қиролича Сирикитнинг биринчи фарзанди. Қиролича 1972 йилда университетдан танишган америкалик Питер Женсенга турмушга чиққандан кейин қироллик унвонидан воз кечган. 1998 йилда ажрашганидан уч йил ўтгач, қиролича Уболратана Таиландга қайтиб келди ва маҳаллий жамиятга қайта қўшилди. Уболратана ҳатто 2019 йилда бош вазирликка ўз номзодини қўйишга уриниб кўрди, бироқ унинг укаси қирол Маха Важиралонгкорн тезда унга тўсқинлик қилди. Таиланд монархининг фикрига кўра, қироллик оиласи аъзоларининг сиёсат билан шуғулланиши «ноўрин».

Герцогиня Меган

Сассекслар қироллик оиласидан ажралиб чиқишга қарор қилгандан сўнг улар молиявий томондан мустақил йўлини топиши керак эди. Бугунги кунда Меган ва Гарри ўзларининг барча фаолиятини Archewell Inc фонди орқали амалга оширади. Бироқ эр-хотин нафақат хайрия ишлари, балки Netflix ва Spotify учун медиа ва аудиоконтент ишлаб чиқариш билан ҳам шуғулланади. Бундан ташқари, Меган турмуш ўртоғи ва ўғли Арчига бағишланган болалар китобини фаол равишда тарғиб қилмоқда, уни герцоги ва герцогинянинг қизи Лилибет туғилган пайтда тақдим этди.

Мавзуга доир:

• Сотувчи, блогер, котиба: машҳур маликалар шаҳзодалар билан турмуш қурмасдан олдин қайси касб эгаси бўлган?
• Турмуш қурганидан сўнг кийиниш услубини ўзгартиришга қарор қилган маликалар (фото)
• Путин, Алиев, Трамп ва дунёдаги бошқа давлат раҳбарларининг қизлари қандай соҳада фаолият юритади?