Ўзи боғланадиган боғичли Nike HyperAdapt 1.0 кроссовкалари ноябрдаёқ сотувга чиқади, дея хабар бермоқда «Hi-tech.mail.ru». «Келажакка қайтиб» фильми бош қаҳрамони Марти Макфлай ҳам шунга ўхшаш оёқ кийими кийиб юрарди.
Nike компанияси PR-директори Хайди Бургетт Twitter ижтимоий тармоғида HyperAdapt кроссовкалари 2016 йил 28 ноябрда сотила бошлаши ҳақидаги маълумотни жойлади. «Келажак» пойабзалини АҚШдаги баъзи дўконлардагина сотиб олиш мумкин, унинг нархи ошкор этилмади.
https://twitter.com/heidiburgett/status/778269663889199104
Nike HyperAdapt 1.0 устида дизайнер Тинкер Хетфилд ва компаниянинг катта инноватори Тиффани Бирслар ишлади. Бирснинг сўзларига қараганда, инсон товони махсус сенсорга тегиши билан оёқ кийимининг иплари ўз-ўзидан ҳаракатга келиб, боғланади. Кроссовка чеккасида иккита тугма бўлиб, улар боғланишни заифлаштириш ёки кучайтиришга хизмат қилади.
Изоҳ (0)