Лос-Анжелесда “Оскар — 2024” мукофотини топшириш маросими бўлиб ўтди. Уни тўртинчи бор комедия актёри Жимми Киммел олиб борди.
Номзодлар сони бўйича етакчи ўринни режиссёр Кристофер Ноланнинг “Оппенгеймер” фильми эгаллади (13 та мукофот). Кейинги ўринларда Йоргос Лантимоснинг “Шўрлик бахтсизлар” (11 та), Мартин Скорсезенинг “Гулли ой қотиллари” (10 та) ва Грета Гервигнинг “Барби” (8 та) фильмлари мукофотга сазовор кучли тўртталикка кирди.
Йилнинг асосий кино мукофоти совриндорлари:
Энг яхши кино — “Оппенгеймер”
Бу йил мукофотлар сони бўйича мутлақ етакчи — ‘‘Олтин глобус’’, BAFTA, Critics Choice Awards, Америка Режиссёрлар ва Продюсерлар Гильдияси мукофоти ва ‘‘Оскар’’ олган энг яхши фильм деб топилди. Тарихий воқеаларга асосланган ушбу биографик фильм АҚШ кино бизнесини сақлаб қолишга ёрдам берди.
Бошқа номзодлар:
- “Америкача уйдирма”;
- “Қулаш анатомияси”;
- “Барби”;
- “Шўрлик бахтсизлар”;
- “Манфаатлар ҳудуди”;
- “Maэстро”;
- “Ташлаб кетилганлар”;
- “Ўтган ҳаётлар”;
- “Гулли ой қотиллари”.
Энг яхши режиссёр
Кристофер Нолан, “Оппенгеймер”
Америкалик режиссёр Кристофер Нолан ўзининг кўп йиллик иш фаолияти давомида 2024 йилда илк бор режиссёрлик ‘‘Оскар’’ини қўлга киритди. Кинематографлар ва бутун дунё бўйлаб мухлислар унинг фильмини энг яхши асар сифатида бирдек тан олди. Бунга эришиш учун атом қуроли яратувчиси ҳақидаги уч соатлик биографик фильм устида узоқ йиллик меҳнат қилинган.
Бошқа номзодлар:
- Жонатан Глейзер —“Манфаатлар ҳудуди”;
- Йоргос Лантимос — “Шўрлик бахтсизлар”;
- Мартин Скорсезе — “Гулли ой қотиллари”;
- Жюстин Трие — “Қулаш анатомияси”;
Энг яхши актёр
Киллиан Mёрфи, “Оппенгеймер”
Атом бомбаси яратувчиси Роберт Оппенгеймернинг роли Киллиан Mёрфига “Оскар” маросимида биринчи ғалабасини келтирди. Режиссёр Кристофер Нолан билан ишлаган 18 йиллик фаолияти давомида Киллиан 6 та фильмда суратга тушган. “Оппенгеймер” фильми эса ирландиялик актёрга ўзининг илк “Оскар”ини берди.
Бошқа номзодлар:
- Пол Жаматти — “Ташлаб кетилганлар”;
- Колман Доминго — “Растин”;
- Бредли Купер — “Maэстро”;
- Киллиан Mёрфи — “Оппенгеймер”;
- Жеффри Райт — “Америкача уйдирма”.
Энг яхши актриса
Эмма Стоун, “Шўрлик бахтсизлар”
Белла Бакстер роли актриса Эмма Стоунга тўртинчи актёрлик номинациясини ва иккинчи бор “Энг яхши актриса” унвонини келтирди. Илгари Эмма Стоун “Ла Ла Ланд” мусиқий фильмидаги роли учун ҳам “Оскар” олган эди.
Актрисанинг ролларга дадил ёндашуви уни замонанинг энг ноёб ва серқирра актрисаларидан бирига айлантирди. “Шўрлик бахтсизлар” фильмида у туғилмаган чақалоғининг мияси кўчириб ўтказилган аёл ролини маҳорат билан ижро этган.
Бошқа номзодлар:
- Аннетт Бенинг — “Няд”;
- Лили Гладстоун — “Гулли ой қотиллари”;
- Кери Маллиган — “Maэстро”;
- Сандра Хьюллер — “Қулаш анатомияси”.
Иккинчи пландаги энг яхши актёр
Кичик Роберт Дауни, “Оппенгеймер”
Marvel кино оламида Темир одам сифатида машҳурликка эришган актёр бир кун келиб тарихий фильм учун “Оскар” совриндори бўлиши кутилмаган воқеа бўлди. АҚШ Атом энергияси бўйича комиссия аъзоси Льюис Штраусс ролини Роберт Дауни катта маҳорат билан ижро этди.
Бошқа номзодлар:
- Стерлинг К. Браун — “Америкача уйдирма”;
- Райан Гослинг — “Барби”;
- Роберт Де Ниро — “Гулли ой қотиллари”;
- Марк Руффало — “Шўрлик бахтсизлар”.
Иккинчи пландаги энг яхши актриса
Давайн Жой Рендольф, “Ташлаб кетилганлар”
Ушбу мукофотни актриса Вьетнам урушида ўғлини йўқотган мактаб ошпази роли учун қўлга киритди. Жой Рендольфнинг экрандаги қисқагина чиқиши ҳам ҳеч кимни бефарқ қолдирмади. Актрисанинг Сэм Левинсонга тегишли “Айдл” фильмидаги ижроси ҳам юқори баҳоланган эди.
Бошқа номзодлар:
- Даниэль Брукс — “Бинафша ранг”;
- Америка Феррера — “Барби”;
- Жоди Фостер — “Наяд”;
- Эмили Блант — “Оппенгеймер”.
Энг яхши операторлик иши — Хойте Ван Хойтема, “Оппенгеймер”;
Энг яхши оригинал сценарий — “Қулаш анатомияси”;
Энг яхши мослаштирилган сценарий — “Америкача уйдирма”;
Энг яхши халқаро фильм — “Манфаатлар ҳудуди”;
Энг яхши анимацион фильм — “Бола ва қуш”;
Энг яхши ҳужжатли фильм — “Мариуполда 20 кун”;
Энг яхши оригинал саундтрек — Людвиг Горанссон, “Оппенгеймер”;
Энг яхши қўшиқ — “Whаt I wаs made for”, Билли Айлиш — “Барби” фильми;
Энг яхши монтаж — Женнифер Лейм, “Оппенгеймер”;
Энг яхши овоз — “Манфаатлар ҳудуди”;
Энг яхши грим ва пардоз иши — “Шўрлик бахтсизлар”;
Энг яхши бадиий режиссёр — Шона Ҳит, Кеймс Прайс — “Шўрлик бахтсизлар”;
Энг яхши қисқа метражли фильм — “Генри Шугарнинг ажойиб ҳикояси”;
Энг яхши қисқа метражли анимацион фильм — “Уруш тугади! Жон ва Йоки мусиқасидан илҳомланган”;
Энг яхши қисқа метражли ҳужжатли фильм — “Сўнгги таъмирлаш устахонаси”.
Изоҳ (0)