Yurgen Klopp Red Bull kompaniyasining futbol yo‘nalishi rahbariga aylandi.
Sky Sports nashrining xabariga ko‘ra, germaniyalik mutaxassis shartnoma imzolagan va 2025-yil 1-yanvarda ishni boshlaydi.
57 yoshli Klopp o‘zining yangi lavozimida Red Bull klublarining (Germaniyaning “Leypsig”, Avstriyaning “Zalsburg” va Amerikaning “Nyu-York Red Bulls” klublari) xalqaro tarmog‘i strategik boshqarish uchun mas’ul bo‘ladi
Qayd etilishicha, Yurgen Germaniya terma jamoasidan taklif tushsa, kompaniya bilan bitimni muddatidan oldin bekor qilish imkoniyatiga ega.
Eslatib o‘tamiz, Klopp o‘tgan mavsum yakunida “Liverpul”ni tark etgandi.
Mutaxassis 2015-yilning 8-oktyabrida Angliyaning “Liverpul” klubi boshqaruviga kelgan. Bu vaqt ichida Yurgen Klopp “qizillar” bilan yettita sovrinni qo‘lga kiritgan. Klopp qo‘l ostida “Liverpul” Chempionlar Ligasi, Premyer Liga, Liga Kubogi, Angliya Kubogi, UEFA Superkubogi va klublar o‘rtasidagi jahon chempionatida g‘olib chiqqan.
Izoh (0)