АПЛ. “Арсенал” турнинг марказий ўйинида “Манчестер Юнайтед”ни мағлуб этди, “Ливерпуль”да йирик ғалаба 

Футбол бўйича Англия Премьер Лигасининг 4-туридан ўрин олган қатор ўйинлар 3 сентябрь, якшанба куни бўлиб ўтди.

“Арсенал” турнинг марказий ўйинида “Манчестер Юнайтед”га қарши баҳс олиб борди. Учрашувнинг 27-дақиқасида Маркус Рэшфорд лондонликлар дарвозасини ишғол қилди. Орадан бир дақиқа ўтиб, Мартин Эдегор мувозанатни тиклади. 88-дақиқада Алехандро Гарначо манкунианликларни ҳисобда олдинга олиб чиққанди. Бироқ ўйиндан ташқари ҳолат туфайли ҳакам голни бекор қилди. 90+6-дақиқада эса Деклан Райс бурчак зарбасидан узатилган тўпни дарвозага жойлаб қўйди. 90+11-дақиқада Габриэль Жезус лондонликларнинг ишончли ғалабасига сабаб бўлувчи гол муаллифига айланди. 

“Канонирлар” ушбу ғалабадан сўнг 10 очко билан 5-ўриндан жой олди. Манкунианликлар эса 6 очко билан 11-поғонани банд этди.

“Ливерпуль” ўз майдонида “Астон Вилла”ни қабул қилди ва 3:0 ҳисобида зафар қучди. Мерсисайдликлар сафида Доминик Собослаи ва Муҳаммад Салоҳ биттадан гол урган бўлса, “Астон Вилла” футболчиси Метти Кеш ўз дарвозасини ишғол қилди. 

Юрген Клопп шогирдлари очколари сонини 10 тага етказиб, 3-ўринга кўтарилиб олди. 

АПЛ

4-тур

3 сентябрь, якшанба

“Арсенал” — “Манчестер Юнайтед” 3:1

Голлар: 0:1 – 27 Рэшфорд, 1:1 – 28 Эдегор, 2:1 — 90+6 Райс, 3:1 — 90+11 Жезус.

“Арсенал”: Рэмсдейл, Уайт, Габриэль, Салиба, Зинченко (Томиясу, 76), Эдегор, Райс, Ҳаверц (Фабиу Виэйра, 77), Сака, Мартинелли, Нкетиа (Габриэль Жезус, 76).

“Манчестер Юнайтед”: Онана, Уан-Биссака, Линделеф, Мартинес (Магуайр, 67), Диогу Далот, Эванс, Гарначо, Эриксен, Каземиро, Бруну Фернандеш, Антони, Марсял (Ҳейлунд, 67), Рэшфорд.

Огоҳлантиришлар: Линделеф (38), Сака (40), Мартинес (65), Онана (68).

“Ливерпуль” — “Астон Вилла” 3:0

Голлар: 1:0 – 3 Собослаи, 2:0 – 22 Кеш (автогол), 3:0 – 55 Салоҳ.

“Ливерпуль”: Алиссон, Александер-Арнолд (Куанса, 71), Матип, Гомес, Робертсон, Собослаи, Мак Аллистер (Эндо, 87), Жонс (Эллиотт, 65), Салоҳ, Диас (Диогу Жота, 65), Нуньес (Гакпо, 65).

“Астон Вилла”: Мартинес, Кеш, Конса, Dieго Карлос (Бэйли, 19; Заниоло, 65), Пау Торрес, Дин, Макгинн, Камара, Дуглас Луис (Тилеманс, 72), Диаби, Уоткинс (Дуран, 73).

Огоҳлантириш: Камара (26).