Ёзда “Ливерпуль”ни тарк этадиган 3 нафар футболчи номи маълум бўлди. Адриан, Жоэл Матип ва Тиаго Алькантара мавсум охирида “Ливерпуль” билан шартномалари тугаши заҳоти хайрлашади.
Бу ҳақда Football Insider хабар бермоқда. “Ливерпуль” клуби футболчиларга янги шартнома таклиф қилмайди. Футболчилар эркин агентга айланади.
Учинчи дарвозабон ўрнини эгаллаб турган Адриан клубга Алиссон ва Келлехерни ўрнини босиш учун келган. Айни пайтда Матип тиззасидан жиддий жароҳат олиб, сафдан чиқган. Трионинг энг иқтидорлиси бўлган Тиаго Алькантара эса мавсумни жароҳатлар билан ўтказди ва бутун мавсум давомида бор-йўғи беш дақиқа ўйнади.
32 ёшли Матип келаси мавсумда ёш ҳимоячилар ҳамда Виржил ван Дейкнинг сафда бўлганида асосий таркибдан жой олиши қийин. Жамоа ёзда футболчининг ўрнига янги марказий ҳимоячи сотиб олиши кутилмоқда.
Изоҳ (0)