Европа иттифоқи судининг қарорига кўра, Афғонистон фуқаролигига эга бўлган ҳар қандай аёл интеграция бирлашмаси ҳудудидан сиёсий бошпана олиш ҳуқуқини беради.
Қайд этилишича, Евроиттифоқ суди икки афғон аёлининг 2015 ва 2020 йилларда Австриядан бошпана олишда рад этилгани ҳақидаги шикояти ортидан шундай қарор қабул қилган. Аёллар дастлаб Австрия Олий маъмурий судига шикоят қилишган, сўнгра бу масалани Европа Иттифоқининг олий суд органи бўлмиш ЕИ судига топширган.
Австрия суди Афғонистон фуқаролигига эга аёлларни “махсус ижтимоий гуруҳ”га мансуб деб ҳисоблайди.
Суд қарорида таъкидланишича, муассаса “Толибон” режими остидаги аёлларнинг аҳволини инобатга олган. Суд, шунингдек, агар аёл ўз ватанига қайтариладиган бўлса, у ҳақиқатда таъқибларга учраш хавфи мавжудлигини исботлаши шарт эмас деб ҳисоблаган.
“Фақат унинг миллати ва жинсини ҳисобга олиш кифоя”, дейилади қарорда.
ЕИ Адлия суди айрим чораларнинг ўзи таъқиб қилиш эканлигини таъкидлаган:
“Гап қулликнинг бир турига қиёсланиши мумкин бўлган мажбурий никоҳ ва ғайриинсоний, қадр-қимматни камситувчи муомала шакллари бўлган гендер асосидаги зўравонлик ва оиладаги зўравонликдан ҳимоясизлик ҳақида кетмоқда”.
“Толибон” Афғонистонда 2021 йил ёзи охирида ҳокимиятга келган эди. У дастлаб аёлларга нисбатан шафқатсиз қоидалар ва чекловларни тиклаш ниятида эмаслигини маълум қилган.
“Толибон” бир қатор фаолияти учун ҳамон БМТ санкциялари остида қолмоқда ва дунёнинг аксарият давлатлари уларнинг Афғонистондаги кучини тан олмаган. Европа давлатлари мамлакатдаги гуманитар вазиятдан хавотир билдирган ҳолда ҳаракат билан алоқаларни эҳтиёткорлик билан сақлаб қолмоқда.
Изоҳ (0)