70 йил “темир ўпка”да яшаган Пол Александр АҚШнинг Техас штатида вафот этди. Бу ҳақда GoFoundMe маълум қилди.
Пол 1952 йилда, 6 ёшида Далласда полиомиэлит билан касалланганидан кейин фалаж бўлиб қолган. У фақат бошини, бўйни ва оғзини ҳаракатлантира олган. Болакай ўша вақтда ҳалок бўлиши мумкин эди, аммо шифокорлар уни темир ўпкали аппаратга ётқизишган.
У 70 йил давомида махсус қурилма ичида яшаган. Бу вақт ичида Пол коллежда ўқиб, ҳуқуқшунослик дипломини олган. Отаси Пол учун махсус қурилма — учида тутқичи бор таёқча ихтиро қилган. Ушбу қурилма ёрдамида Пол аввал ёзишни, кейин клавиатурада матн теришни ўрганган. Мазкур қурилма орқали телефон қўнғироқларига жавоб берган ҳамда SMS хабарлар ёзган. Кейинчалик ҳатто у ўз таржимайи ҳолини ҳам китоб тарзида ёзган.
Изоҳ (0)