Ла Лига. “Реал” ўз майдонида “Жирона”ни тор-мор этди (видео)

Футбол бўйича Испания Ла Лигасининг 24-турида “Реал” 10 февраль, шанба куни “Жирона”га қарши баҳс олиб борди.

Учрашувнинг 6-дақиқасидаёқ Винисиус Жуниор ажойиб зарба билан ҳисобни очди. 35-дақиқада Жуд Беллингҳем ҳисобни ишончли кўринишга олиб келди.

Мадридликлар иккинчи болимда ҳам фаолликни пасайтирмади ва голлар уришда давом этди. Дастлаб, 54-дақиқада Жуд дублни расмийлаштирган бўлса, 61-дақиқада Родриго “қаймоқранглилар”нинг 4-голига муаллифлик қилди. Қолган дақиқаларда шу ҳисоб сақланиб қолди ва Карло Анчелотти шогирдлари 4:0 ҳисобидаги ғалабани расмийлаштирди.

“Реал” ушбу ғалабадан сўнг очколарини 61 тага етказди ва мусобақа пешқадами бўлиб қолмоқда. “Жирона” эса ундан 5 очко ортда қолган ҳолда 2-ўринда бормоқда.

Ла Лига

24-тур баҳси

10 февраль, шанба

“Реал” – “Жирона” 4:0

Голлар: 1:0 – 6 Винисиус Жуниор, 2:0 – 35 Беллингҳем, 3:0 – 54 Беллингҳем, 4:0 – 61 Родриго.

“Реал Мадрид”: Лунин, Карвахаль, Тчуамени, Менди (Фран Гарсия, 77), Кроос (Модрич, 70), Вальверде, Камавинга, Беллингҳем (Браим Диас, 57), Васкес, Винисиус Жуниор (Гюлер, 77), Родриго (Хоселу, 70).

“Жирона”: Гассанига, Ян Коуто, Хуанпе, Эрик Гарсия, Мигел Гутеррес, Алеиш Гарсия, Мартин (Солис, 70), Порту (Торре, 46), Сиганков (Фернандес, 70), Савио, Довбик (Стуани, 70).

Огоҳлантиришлар: Хуанпе (21), Ян Коуто (68), Менди (76).