Ла Лига. “Барселона” “Реал Вальядолид”ни янчиб ташлади

Футбол бўйича Испания чемпионатининг 4-турида “Барселона” 31 август, шанба куни “Реал Вальядолид”га қарши баҳс олиб борди.

Учрашувнинг 20-дақиқасида Пау Кубарсининг узатмасини Рафинья голга айлантирди. Орадан 4 дақиқа ўтиб, Роберт Левандовски ҳам ўз номини таблога ёздириб қўйди. Бўлим охирида эса Жюл Кунде ҳисобни йирик кўринишга олиб келди. 

Иккинчи бўлимда ҳам каталонияликларнинг тотал устунлиги давом этди. 64-дақиқада Рафинья дублни расмийлаштирди. 72-дақиқада эса Ламин Ямалнинг ажойиб узатмасидан сўнг бразилиялик футболчи учрашувдаги учинчи голига муаллифлик қилди. 82-дақиқада Дани Олмо рейд уюштириб, жарима майдонига қадар кириб борди ва дарвозани ишғол қилди. 85-дақиқага келиб, Рафиньянинг қанотдан узатган тўпини Ферран Торрес дарвозага жойлаб қўйди. 

Шу тариқа “кўк-анорранглилар” 7:0 ҳисобидаги ғалабага эришди.

Ла Лига

4-тур

31 август, шанба

“Барселона” — “Реал Вальядолид” 7:0

Голлар: 1:0 – 20 Рафинья, 2:0 – 24 Левандовски, 3:0 – 45+2 Кунде, 4:0 – 64 Рафинья, 5:0 – 72 Рафинья, 6:0 – 82 Олмо, 7:0 – 85 Ферран Торрес.

“Барселона”: тер Стеген, Балде, Мартинес, Кубарси (Домингес, 61), Кунде, Педри (Лопес, 61), Касадо (Эрик Гарсия, 61), Олмо (Торре, 83), Рафинья, Левандовски (Ферран Торрес, 73), Ямал.

“Вальядолид”: Хейн, Лукас Роза, Санчес, Жемерт, Перес, Юрич, Амалла (Сан-Хосе Канталехо, 57), Кике Перес, Санчес (Мартин, 62), Моро, Маркос Андре (Латаса, 56).

Огоҳлантиришлар: Санчес (45), Кике Перес (74), Мартин (84).