Ла Лига 2023/24 йилги мавсуми тақвими эълон қилинди. “Эл-Класико” октябрь ва апрель ойида бўлиб ўтади 

Футбол бўйича Испания Ла Лигаси 2023/24 йилги мавсуми тақвими эълон қилди.

Испания чемпионатининг янги мавсуми 13 август куни старт олади. Амалдаги чемпион “Барселона” илк турда “Хетафе”га қарши майдонга тушади. “Реал” эса “Атлетик” майдонига сафар қилади. Мавсумнинг якуни 26 май кунига мўлжалланган.

Шунингдек, 2023/24 йилги мавсумдаги “Эл-Класико”лар санаси ҳам аниқ бўлди. Дастлабки баҳс 11-тур доирасида каталонияликлар майдонида 29-октябрда бўлиб ўтади. Жамоалар ўртасидаги иккинчи учрашув 32-турда “Сантиаго Бернабеу”да 21 апрель куни бўлиб ўтиши режалаштирилган. 

1-турда қуйидаги ўйинлар бўлиб ўтади:

• “Алмерия” — “Райо Вальекано”
• “Атлетик” — “Реал”
• “Атлетико” — “Гранада”
• “Сельта” — “Осасуна”
• “Севилья” — “Валенсия”
• “Лас Палмас” — “Мальорка”
• “Хетафе” — “Барселона”
• “Вильярреал” — “Бетис”
• “Реал Сосьедад” — “Жирона”
• “Кадис” — “Алавес”