Ла Лига. Ямалнинг голи “Барселона”га ғалаба келтирди (видео)

Футбол бўйича Испания чемпионатининг 28-туридан ўрин олган илк ўйин 8 март, жума куни бўлиб ўтди. Унда “Барселона” ўз майдонида “Мальорка”ни қабул қилиб, Ямалнинг ягона голи эвазига ғалаба қозонди.

Каталонияликлар ҳужумчиси Гундўған пенальтидан фойдалана олмади. “Барселона” футболчиси Рафинья жароҳат олиб, сафдан чиқди. 

Ушбу ғалабадан сўнг Хави жамоаси ўз очколарини 61 тага етказиб, “Жирона”ни ортда қолдирган ҳолда 2-ўринга кўтарилди.

“Мальорка” 27 очко тўплаб 15-поғонани эгаллаб турибди. 

Ла Лига

28-тур баҳси

“Барселона” — “Мальорка” 1:0

8 март, жума

Гол: Ямал (73). 

Аниқ амалга оширилмаган пенальти: Гундўған (24).

“Барселона” – тер Стеген, Кунде, Мартинес, Кубарси, Жоау Канселу, Кристенсен, Гундўған (Ромеу, 87), Рафинья (Лопес, 37), Феликс (Роке, 62), Ямал, Гиу (Левандовски, 61).

“Мальорка” – Райкович, Гонсалес, Настасич, Раилло, Копете (Радонич, 82), Тони Лато (Коста, 71), Дардер (Санчес, 71), Морланес (Дани Родригес, 61), Саму Кошта, Ларин (Прац, 82), Мурики.

Огоҳлантиришлар: Мартинес (53), Саму Кошта (86).