Самарқанд шаҳрида юк машинаси ўз йўналишида ҳаракатланиб келаётган бир неча машиналарни уриб юборди. Ҳолат акс этган видео ижтимоий тармоқларда тарқалди.
Вилоят ЙҲХБ матбуот хизматининг маълум қилишича, воқеа 1 октябрь куни соат 18:15 лар атрофида Самарқанд шаҳар ҳудудидан ўтувчи М-37А автомобиль йўлининг 42-километрида содир бўлган.
Юк транспорт воситаси ҳаракатланиб келаётиб тормоз қисмида носозлик юзага келгани сабаб ўзи билан бир йўналишда ҳаракатланиб келаётган еттита енгил транспорт воситаларининг ортидан келиб урилган.
Ҳодисадан тан жароҳати олган ва вафот этганлар йўқ. Ҳолат юзасидан дастлабки суриштирув ишлари олиб борилмоқда.
Шу йилнинг апрель ойида Тошкентда юк машинаси 14 та енгил автомашина: 3 та Cobalt, 2 та BYD, 1 та Tracker 2, 1 та Spark, 1 та Damas, 1 та Nexia 2, 1 та Nexia 3, 1 та Cherry, 3 та Lacetti’ни уриб юборганди.
Изоҳ (0)