Samarqand shahrida yuk mashinasi o‘z yo‘nalishida harakatlanib kelayotgan bir necha mashinalarni urib yubordi. Holat aks etgan video ijtimoiy tarmoqlarda tarqaldi.
Viloyat YHXB matbuot xizmatining ma’lum qilishicha, voqea 1-oktyabr kuni soat 18:15 lar atrofida Samarqand shahar hududidan o‘tuvchi M-37A avtomobil yo‘lining 42-kilometrida sodir bo‘lgan.
Yuk transport vositasi harakatlanib kelayotib tormoz qismida nosozlik yuzaga kelgani sabab o‘zi bilan bir yo‘nalishda harakatlanib kelayotgan yettita yengil transport vositalarining ortidan kelib urilgan.
Hodisadan tan jarohati olgan va vafot etganlar yo‘q. Holat yuzasidan dastlabki surishtiruv ishlari olib borilmoqda.
Shu yilning aprel oyida Toshkentda yuk mashinasi 14 ta yengil avtomashina: 3 ta Cobalt, 2 ta BYD, 1 ta Tracker 2, 1 ta Spark, 1 ta Damas, 1 ta Nexia 2, 1 ta Nexia 3, 1 ta Cherry, 3 ta Lacetti’ni urib yuborgandi.
Izoh (0)