Саудия Арабистонида енгил автомобиль ва автобус иштирокида содир бўлган йўл-транспорт ҳодисаси оқибатида камида 20 киши ҳалок бўлди, 29 киши жароҳат олди, деб хабар бермоқда Al-Ekhbariya.
Телеканал маълумотларига кўра, Маккага зиёратчиларни олиб кетаётган автобуснинг тормози ишдан чиққан. Ҳайдовчи бошқарувни йўқотиб, енгил автомобиль билан тўқнашган, шундан сўнг автобус ағдарилиб, ёниб кетган. Жабрланганларнинг аксарияти куйиш жароҳатларини олган.
Ҳодиса Асир провинциясида содир бўлди, дея аниқлик киритади Ал-Арабия. Ҳудуд губернатори Турки ибн Талал ал-Сауд полиция бошлиғи ҳамроҳлигида шифохоналарда ярадорларни бориб кўрди ва суд-тиббиёт экспертлари билан учрашди — улар аксарият қисми куйиб кетган жасадларни аниқлашда ёрдам бермоқда, дейилади хабарда.
Изоҳ (0)