Ўзбекистонда 1 октябрдан бошлаб ойлик иш ҳақлари 10 фоизга, бюджет ташкилотларида ишловчи педагог ва шифокорларники эса 15 фоизга кўтарилди. Бу президент томонидан имзоланган “Иш ҳақи, пенсиялар ва нафақалар миқдорини ошириш тўғрисида”ги фармонга асосан амалга оширилди.
Шунингдек, базавий ҳисоблаш миқдори ҳам 10 фоизга оширилди.
Шунга кўра, эндиликда Ўзбекистон ҳудудида:
- меҳнатга ҳақ тўлашнинг энг кам миқдори – 1 млн 155 минг сўм;
- базавий ҳисоблаш миқдори – 375 минг сўм;
- пенсияни ҳисоблашнинг базавий миқдори – 428 минг сўм;
- ёшга доир энг кам пенсия – 834 минг сўм;
- ногиронлик пенсиялари, жумладан иш стажи тўлиқ бўлмаган чоғдаги ногиронлик пенсиясининг энг кам миқдори – 920 минг сўм;
- меҳнатга лаёқатсиз фуқароларга бериладиган ногиронлик нафақаси ва болаликдан ногиронлиги бўлган шахсларга бериладиган нафақа – 920 минг сўм;
- белгиланган ёшга доир энг кам пенсия миқдоридан (834 минг сўмдан) 920 минг сўмгача пенсия олувчиларнинг ёшга доир пенсиялари – 920 минг сўм;
- зарур иш стажига эга бўлмаган кекса ёшдаги фуқароларга бериладиган нафақа – 745 минг сўм;
- иш стажи тўлиқ бўлмаган чоғдаги ёшга доир пенсиянинг энг кам миқдори қўшимча тўловни ҳисобга олган ҳолда – 745 минг сўм.
Изоҳ (0)