Ўзбекистон Республикаси Президентлигига номзод Шавкат Мирзиёев андижонлик сайловчилар билан учрашувда оилавий шифокорларни кафолатланган тиббий хизматлар бўйича қайта тайёрлаб, уларга малака сертификати берилишини айтди.
“Сертификати бор шифокорларнинг ойлик иш ҳақи 2 карра оширилади. Худди шу тартибни тиббиётнинг ҳақиқий фидойилари бўлган ҳамшираларимизга ҳам жорий қиламиз.
Тиббиёт ходимларига кўп йиллар ишлаганлик учун тўланадиган устамалар миқдори ҳам қайта кўриб чиқилиб, оширилади. Тез тиббий ёрдам автомобиль парки келгуси етти йилда тўлиқ янгиланади ва уларнинг 50 фоизи электромобиллар билан тўлдирилади”, — деди номзод.
Шавкат Мирзиёев ёнилғининг ўзидан йилига 200 миллиард сўм тежалишини айтиб, ушбу маблағлар тез тиббий ёрдам хизматларини ривожлантиришга сарфланишини қўшимча қилди.
Изоҳ (0)