Пенсия жамғармаси жорий йилнинг январь–март ойларида янги тайинланган пенсиялар сонини маълум қилди.
Биринчи чоракда Ўзбекистон бўйича 70 384 нафар фуқарога янги пенсиялар тайинланган. Шундан 58 888 нафари ёшга доир пенсия, 7 532 киши ногиронлик пенсияси ола бошлаган. Қолган 3 964 та оилага эса боқувчисини йўқотганлик пенсияси тайинланган.
Эслатиб ўтамиз, 2023 йилда Пенсия жамғармаси томонидан жами 292 минг нафар фуқарога янги пенсиялар тайинланган. Шундан 241,2 минг киши ёшга доир пенсия, 32,2 минг киши ногиронлик пенсияси ва 18,6 минг оила боқувчисини йўқотганлик пенсиясини ола бошлаган.
Ҳозир мамлакатда жами пенсия олувчилар сони қарийб 4 миллион нафарни ташкил этади. Уларнинг 3,1 миллион нафари пенсия тўловларини нақд пулсиз шаклда олади.
Маълумот учун, 2023 йилда фуқароларнинг барча турдаги пенсияларига 53 триллион 596 миллиард сўм тўлаб берилган. Жорий йилдаги кўрсаткич ундан ҳам юқори бўлиши кутилмоқда. Таққослаш учун, 2022 йилда тўланган жами пенсия пуллари 44,9 триллион сўмни ташкил этган.
Изоҳ (0)