• USD12559.26
    • RUB160.17
    • EUR14413.01
    Daryo.uz - Login
    Иқтисодиёт

    Ўзбекистонда пенсия ва нафақалар тўлови бўйича маълумот берилди

    Ўзбекистонда 2023 йил ноябрь ойи учун пенсия ва нафақа тўловлари тўлиқ молиялаштирилди. Бу ҳақда Пенсия жамғармаси хабар берди.

    Фото: Дарё” / Мадина Нурман

    Маълум қилинишича, жамғарма томонидан қарийб 4,5 миллион кишига пенсия ва нафақалар учун талаб этилган маблағлар тўлиб берилди. Бунда пенсия ва нафақа тўловларини 3,4 миллион (74 фоиз) одам нақд пулсиз шаклда олган, яъни пуллар уларнинг банк карталарига ўтказиб берилган.

    “Амалдаги қонунчилик талабларига мувофиқ, пенсия ва нафақа пулларини нақд шаклда олувчиларга жорий ой тўловлари тасдиқланган графикларга асосан Халқ банкининг сайёр кассалари томонидан етказиб берилишини маълум қиламиз”, — дейилади жамғарма ахборотида.

    Аввалроқ Пенсия жамғармаси “Дарё”га бугунги кунда давлат пенсияларининг барча турлари учун йиллик 53,5 триллион сўм тўланаётганини маълум қилганди. Бунда бир ойлик ўртача харажатлар миқдори қарийб 4,5 триллион сўмни ташкил этмоқда.

    Ҳозирда пенсияни ҳисоблашнинг базавий миқдори — 347 000 сўм, ёшга доир энг кам пенсия – 677 000 сўмни ташкил этади.

    • Ногиронлик пенсиялари, жумладан, иш стажи тўлиқ бўлмаган чоғдаги ногиронлик пенсиясининг энг кам миқдори – 747 000 сўм.
    • Меҳнатга лаёқатсиз фуқароларга бериладиган ногиронлик нафақаси ва болаликдан ногиронлиги бўлган шахсларга бериладиган нафақа миқдори – 747 000 сўм.
    • Белгиланган ёшга доир энг кам пенсия миқдоридан (677 000 сўмдан) 747 000 сўмгача пенсия олувчиларнинг ёшга доир пенсиялари – 747 000 сўмни ташкил этади.

    Бугунги кунда зарур иш стажига эга бўлмаган кекса ёшдаги фуқароларга ойига 568 000 сўмдан нафақа берилади. Иш стажи тўлиқ бўлмаган чоғдаги ёшга доир пенсиянинг энг кам миқдори (қўшимча тўловни ҳисобга олганда) – 568 000 сўм.

    Шунингдек, ўзгалар парваришига муҳтож ногиронлиги бўлган 18 ёшгача болаларнинг парвариши билан банд бўлган боланинг қонуний вакилига бериладиган нафақа миқдори — ойига 568 000 сўмни ташкил этади.

    Боқувчисини йўқотганлик нафақаси олувчиларнинг бир нафар меҳнатга қобилиятсиз оила аъзоси учун нафақа миқдори — ойига 568 000 сўм ва кейинги ҳар бир меҳнатга қобилиятсиз оила аъзоси учун — 198 000 сўм, дейилади жамғарма маълумотида.

    Шу билан бирга, боқувчисини йўқотганлик пенсияси олувчиларнинг бир нафар меҳнатга қобилиятсиз оила аъзоси учун пенсиянинг энг кам миқдори ойига 568 000 сўмга тенг. Кейинги ҳар бир меҳнатга қобилиятсиз оила аъзоси учун амалдаги тартибга мувофиқ пенсия тўланади.

    2023 йил 1 июль ҳолатига кўра, энг юқори иш ҳақи билан пенсия (ҳисобланган) тайинланган фуқаролар 401,9 минг нафарни ва энг кам миқдорда пенсия олувчилар 652,9 минг нафарни ташкил этади. Статистика агентлиги Ўзбекистонда 2023 йил учун ҳисобланган минимал истеъмол харажатлари қиймати бир ойда киши бошига 568 минг сўмни (47 доллар) ташкил этишини хабар қилган.

    Эслатиб ўтамиз, 2023 йил учун “Ўзбекистон Республикасининг давлат бюджети тўғрисида”ги қонунга асосан, Пенсия жамғармасига давлат бюджетидан трансфертлар миқдори 15 триллион сўм бўлиши кўзда тутилган. Собиқ иқтисодиёт ва молия вазири ўринбосари Дилшод Султонов шу йилнинг март ойидаги матбуот анжуманида Пенсия жамғармаси учун 14,5 триллион сўм ташқи қарз жалб қилинишини маълум қилган.

    “Ташқи қарзнинг 3 миллиард доллардан ортиқ қисми бюджетни қўллаб-қувватлашга сарфланади. Масалан, бу йилги иккита йирик харажатдан бири – пенсия Жамғармасига берадиган трансфертимиз 15 триллион сўм бўлиши кўзда тутилмоқда”, — деган у.

    Маълумот учун, давлат ташкилотларида ишлаётган ходимларнинг 5 фоизи пенсия ёшидагилар ҳисобланади.

    Жавоб қолдиринг

    Мавзуга доир

    ×Lightbox Image

    Daryo.uz | Сизнинг муаммоингиз ечими


    110% грант ва халқаро амалиётлар: Central Asian University ва AKFA Medline University Hospital резидентура дастурига қабул давом этмоқда


    Hyundai Tucson: 24 ойга бўлиб тўлаш имконияти — қулай, тез, фойдали


    Acıbadem шифохоналар тармоғида болаларда саратон ва қон касалликларида суяк илиги трансплантацияси


    Uzbekistan Airways Сеулга кунлик авиақатновларни таклиф қилади


    Микрокредитбанк халқаро молия институтлари билан муҳим келишувларга эришди


    Технологиянинг янги босқичи — HUAWEI Мате ХТ ва HUAWEI Мате 70 Про билан танишинг


    InfinBank Visa карталари билан энди WeChat Pay ва Alipay орқали тўлаш мумкин


    Бекободда "Бизнесни ривожлантириш банки"нинг  замонавий банк хизматлари маркази иш бошлади


    TBC Bank ва Баҳодир Жалолов фирибгарларга қарши жангга чиқди 


    Uzbekistan Airways билан Куала-Лумпур ва Бангкокга саёҳатни режалаштиринг


    InfinBLACK билан қадимий шаҳарлар бўйлаб саёҳатлар


    “Ўзбекинвест” EISК АЖ ва Словакиянинг EXIMBANKА СР ўртасида ҳамкорлик тўғрисида битим имзоланди


    InfinBank пул ўтказмалари географиясини кенгайтирмоқда


    Бухоро, Ғиждувон, зиндон, мисвок ва мадраса – 100 саволга 1 жавоб


    Инвестиция нима ва у инсонларга нима учун керак?