Туркияни 13 август, якшанба куни рекорд даражада иссиқ ҳаво тўлқини қоплайди, дея огоҳлантирди метеорология бош бошқармаси мутахассислари.
Матбуот хизмати республиканинг айрим ҳудудларида ҳаво ҳарорати 46 даражагача кўтарилиши кутилаётганини қайд этди.
Мутахассислар, Anadolu ва Шарқий Ўрта Ер денгизи қирғоқлари аҳолисини ўта зарурат бўлмаса, уйларини тарк этмасликка чақирди.
Аввалроқ мутахассислар июль ойи Ер шари тарихидаги энг иссиқ ой бўлганини қайд этишганди. Иссиқ об-ҳаво туфайли дунё океанлари сирти ҳам рекорд даражада қизиб кетгани хабар қилинган.
Бир қатор мамлакатларда иссиқ об-ҳаво туфайли фавқулодда ҳолатлар эълон қилинган.
Изоҳ (0)