Украинанинг Туркиядаги элчиси Василий Боднарнинг айтишича, украиналик мутахассислар туркиялик бешинчи авлод қирувчи самолётини яратишда иштирок этмоқда ва кейинчалик уни сотиб олишни режалаштирмоқда. Мазкур самолётларни тўрт йилдан кейин оммавий ишлаб чиқариш бошланади.
“Мен ишонаманки, KAAN F-35 ва F-22 самолётлари билан рақобат қилиш учун барча имкониятларга эга, бу келажак авиацияси. Агар биз буни муваффақиятли амалга ошира олсак ва бу жараёнга учинчи томонлар таъсирининг олдини ололсак, минтақадаги энг қудратлилардан бирига айланамиз”, — деди Василий Боднар CNN Тurk билан суҳбатда.
Қирувчи самолётларни биргаликда ишлаб чиқиш бўйича музокаралар Россия-Украина ҳарбий можароси бошланишидан олдин бошланган. Лойиҳалашда Украина компаниялари консорциуми иштирок этмоқда. Украинада аллақачон Туркиянинг Bayraktar ТV2 дронларини, шунингдек, Эроннинг Shahed 136 каби камикадзе дронларини ишлаб чиқариш йўлга қўйилган.
Изоҳ (0)