UFC’нинг енгил вазн тоифасидаги амалдаги чемпиони, грузин жангчиси Мераб Двалишвили, россиялик Умар Нурмагомедовга мурожаат қилди.
“Умар, энди сени нафақат ҳурмат қилмайман, балки сени ёлғончи деб ҳисоблайман. Агар UFC сенга менга қарши жанг қилишни таклиф қилган бўлса, шартнома ва саналарни кўрсат.. UFC менга Пётр Ян устидан ғалаба қозонганимдан сўнг, қўлим синиб турган ҳолатда сен билан жанг қилишни таклиф қилди. Мен жангни оғзаки қабул қилдим, чунки мен ҳатто синиқ қўлим билан биринчи рақамли номзод эдим, сен эса 13-рақамда эдинг. Шифокор менга ҳозир жанг қила олмаслигимни ва жарроҳлик амалиёти ўтказишим керак эканини айтди. Шундай экан, агар UFC сенга чемпионлик ҳимоясини таклиф қилса, нега бундай беҳуда гапираётганингни тушунмаяпман? Менинг сенга бўлган ҳурматим йўқолди, чунки сен ёлғон гапиришни давом эттиряпсан. Мен UFC’дан жавоб кутяпман,” деб ёзди Двалишвили ижтимоий тармоқда.
Россиялик жангчи Умар Нурмагомедов Мераб Двалишвилининг постига жавоб қайтарди ва агар жанг ўтказилса, Умар уни “синдиришини” ёзди.
“Сен мен билан икки бор жангни бекор қилганинг учун чемпион бўлдинг. Худди шу сабабга кўра, менинг жангларим рўйхатида кучли ўнталикдан жангчилар йўқ, сен ва сенга ўхшаганлар мен билан жангни қабул қилмадинглар, деб ёзди Умар Х (собиқ Twitter) ижтимоий тармоғида.
Маълумот учун, Двалишвили Шон O’Мелли устидан ғалаба қозонганидан сўнг, у ва Умар ўртасидаги муносабатлар кескинлашди, чунки кўплаб мухлислар ва экспертлар чемпион ўзининг ҳимоя жангини Ҳабиб Нурмагомедовнинг кичик укаси Умар билан ўтказиши кераклигини айтишмоқда.
Изоҳ (0)