UFC’ning yengil vazn toifasidagi amaldagi chempioni, gruzin jangchisi Merab Dvalishvili, rossiyalik Umar Nurmagomedovga murojaat qildi.
“Umar, endi seni nafaqat hurmat qilmayman, balki seni yolg‘onchi deb hisoblayman. Agar UFC senga menga qarshi jang qilishni taklif qilgan bo‘lsa, shartnoma va sanalarni ko‘rsat.. UFC menga Pyotr Yan ustidan g‘alaba qozonganimdan so‘ng, qo‘lim sinib turgan holatda sen bilan jang qilishni taklif qildi. Men jangni og‘zaki qabul qildim, chunki men hatto siniq qo‘lim bilan birinchi raqamli nomzod edim, sen esa 13-raqamda eding. Shifokor menga hozir jang qila olmasligimni va jarrohlik amaliyoti o‘tkazishim kerak ekanini aytdi. Shunday ekan, agar UFC senga chempionlik himoyasini taklif qilsa, nega bunday behuda gapirayotganingni tushunmayapman? Mening senga bo‘lgan hurmatim yo‘qoldi, chunki sen yolg‘on gapirishni davom ettiryapsan. Men UFC’dan javob kutyapman,” deb yozdi Dvalishvili ijtimoiy tarmoqda.
Rossiyalik jangchi Umar Nurmagomedov Merab Dvalishvilining postiga javob qaytardi va agar jang o‘tkazilsa, Umar uni “sindirishini” yozdi.
“Sen men bilan ikki bor jangni bekor qilganing uchun chempion bo‘lding. Xuddi shu sababga ko‘ra, mening janglarim ro‘yxatida kuchli o‘ntalikdan jangchilar yo‘q, sen va senga o‘xshaganlar men bilan jangni qabul qilmadinglar, deb yozdi Umar X (sobiq Twitter) ijtimoiy tarmog‘ida.
Ma’lumot uchun, Dvalishvili Shon O’Melli ustidan g‘alaba qozonganidan so‘ng, u va Umar o‘rtasidagi munosabatlar keskinlashdi, chunki ko‘plab muxlislar va ekspertlar chempion o‘zining himoya jangini Habib Nurmagomedovning kichik ukasi Umar bilan o‘tkazishi kerakligini aytishmoqda.
Izoh (0)