Ўта енгил вазн тоифасида ҳаракат қилаётган Умар Нурмагомедовнинг кейинги жанги эълон қилинди.
Нурмагомедов 3 август куни Абу-Дабида бўлиб ўтадиган UFC Fight Night турнирининг асосий жангида Кори Сендхагенга қарши октагонга кўтарилади.
Жанг 5 раунддан иборат бўлади.
Нурмагомедов ва Сендхаген 2023 йилнинг август ойида тўқнаш келиши керак эди. Бироқ Умарнинг жароҳати туфайли жанг қолдирилганди.
Нурмагомедов март ойида Бекзат Алмахан устидан ғалаба қозонган эди. Умар MMAъдаги барча 17 та жангида зафар қучган.
Кори эса август ойида Роб Фонтни ҳакамлар қарорига кўра маълуб этганди. Унинг ҳисобида 17 та ғалаба ва 4 та мағлубият бор.
Изоҳ (0)