АҚШнинг собиқ президенти, ҳозирда Республикачилар партиясидан давлат раҳбари лавозимига номзод Дональд Трамп енгил вазнда собиқ UFC чемпиони Ҳабиб Нурмагомедовга Фаластиндаги урушни тўхтатишга ваъда берди.
-b4EmET7D.jpg)
Россиялик жангчи ва америкалик сиёсатчи жорий йилнинг 2 июнида АҚШда бўлиб ўтган UFC 302 турнирида суҳбатлашди. Кечанинг асосий баҳсида Ислом Махачев енгил вазн тоифасида учинчи марта чемпионлик унвонини ҳимоя қилди ва 5-раундда Дастин Порьени мағлуб этди. Кейинроқ ижтимоий тармоқларда Нурмагомедов ва Трампнинг арена ёнидаги суҳбати акс этган видео пайдо бўлди.
“Биламан, сиз Фаластин урушини тўхтатасиз”, — деди Ҳабиб.
“Биз буни тўхтатамиз. Мен буни тўхтатаман”, — деб жавоб берди АҚШ собиқ президенти.
Трамп 2023 йилда Нурмагомедовни “фантастик жангчи” деб атаган ва унинг октагонга қайтиш эҳтимоли ҳақида UFC раҳбари Дана Уайтдан сўраган.
Нурмагомедов 2023 йил январида MMAдан бутунлай воз кечганини айтган эди.
Эслатиб ўтамиз, Ҳабиб Нурмагомедов 2020 йилнинг кузида профессионал фаолиятини якунлаган эди.
Изоҳ (0)