Енгил вазн тоифасида UFC собиқ чемпиони Ҳабиб Нурмагомедов Ислом Махачевни қўллаб-қувватлаш учун UFC 294 турнирига ташриф буюришини айтиб ўтди.
“Ҳабиб бурчакда бўлмаслиги мумкин. Тайёргарлик кўришларга боради, кўради, маслаҳатларини аямайди. Жангга бормаслик деган нарса йўқ. Секундант бўлмайди, доим Исломнинг ёнида бўлмайди, лекин жангга боради, ҳа. Ҳаммамиз борамиз ва Исломни қўллаб-қувватлаймиз”, — деди Эагле ФC лигаси президенти Шамил Завуров.
Эслатиб ўтамиз, UFC 294 турнири 21-октябрь куни Абу-Дабида (БАА) бўлиб ўтади. Мусобақанинг асосий жанги Ислом Махачев ва Чалрз Оливейра ўртасида кечади.
Улар ўртасидаги дастлабки жанг 2022 йилнинг октябрь ойида UFC 280 доирасида бўлиб ўтган ва унда Ислом иккинчи раундда сабмишен эвазига Оливейрани таслим этиб, камарни ўзиники қилганди.
Шундан кейин Махачев UFC 284 турнирида Александр Волкановскини очколар эвазига мағлуб этди. Чарльз эса июнь ойида ўтказилган UFC 289 да Бенеил Дариушни нокаутга учратди.
Изоҳ (0)