Енгил (-70 кг) ва ярим енгил вазн тоифасида (66 кг гача) икки карра собиқ UFC чемпиони ирландиялик Конор Макгрегор Ҳабиб Нурмагомедовга ёзган таҳдидли хабарларини оммага тақдим этди.
“Биродар, мен оилангнинг уйини давлатдан сотиб олиш учун пул қўйдим, чунки бунга сенинг пулинг етмайди. Мен сенинг уйингда катта расвогарчиликлар қиламан. Сен оилангни ташлаб кетдинг, мен сенинг уйингни хонавайрон қиламан”, деб ёзди Макгрегор ўзининг Х ижтимоий тармоғида. У ёзган постида Ҳабибга ёзган хабар туширилган суратни илова қилди.
Аввалроқ “Ҳабиб—террорчи. У қочиб кетган давлатидан катта қарздор”, деб ёзган эди Макгрегор ўзининг ижтимоий тармоқларида.
Россия Федерацияси Федерал солиқ хизмати (ФНС) енгил вазн тоифасида собиқ UFC чемпиони Ҳабиб Нурмагомедовнинг 297 миллион рубль қарзи сабаб, ҳисоб рақамларини музлатгани хабар берилган эди.
Эслатиб ўтамиз, Ҳабиб ва Макгрегор 2018 йилнинг октябрь ойида UFC-229 турнирида учрашган эди, ўшанда у тўртинчи раундда муваффақиятли бўғиш услуби билан мағлубиятга учратган эди.
Изоҳ (0)