UFC шон-шуҳрат зали аъзоси, енгил вазнда собиқ UFC чемпиони россиялик Ҳабиб Нурмагомедов Федерал солиқ хизмати олдидаги барча қарзларини тўлади. Бу ҳақда ШОТ Telegram канали хабар берди.
Эслатиб ўтамиз, 2024 йилнинг 1 июлида Федерал Солиқ хизмати Нурмагомедовнинг 297 миллион рубль қарзи туфайли ҳисобларини ҳибсга олгани, шунингдек, унинг бир қанча компанияларини ёпиб қўйгани, бунга расмий ҳужжатлардаги ишончсиз маълумотлар сабаб бўлгани маълум қилинган эди.
Ҳабиб Нурмагомедов 2020 йилнинг 24-октябрида UFC 254 мусобақасида октагондаги охирги жангини ўтказган. Ушбу мусобақадаги жанг орқали Ҳабиб кетма-кет учинчи бор чемпионлик камарини ҳимоя қилган. Унга Жастин Гетжи рақиблик қилганди. Нурмагомедов Гетжини буғиш усули билан муддатидан олдин мағлуб этган. Бу доғистонлик жангчининг 29-ғалабаси эди. Жангдан сўнг спортчи фаолиятини якунлаганини эълон қилди.
Изоҳ (0)