“Кичкинтой сайрга чиқди” фильми қандай суратга олинган ва ундаги болакай ҳозир қандай кўринишда? (фото) 

Оилавий мириқиб томоша қилинадиган “Кичкинтой сайрга чиқди” комедиясининг премьераси 1994 йилда бўлиб ўтган. Комедия суратга олинаётган вақтда бош қаҳрамонни гавдалантирган эгизаклар Адам ва Жейкоб 9 ойлик эди. Бугун ўша Бу ролини ижро этган актёрлар 26 ёшда. Ушбу комедияни томоша қилмаган ва болакайни ёқтириб қолмаган одам бўлмаса керак.

Ҳаммаси қандай бошланган?

Болаларнинг онаси – Сюзан Уортон оддийгина уй бекаси бўлиб, бутун вақтини болаларининг тарбиясига бағишлаган эди. Аёл ширинтой болаларининг кун келиб юлдуз бўлишини истаганди. Чунки Сюзан “Эгизаклар онаси” гуруҳининг аъзоси эди. 26 йил аввал у ерга суратга олинажак “Кичкинтой сайрга чиқди” комедиясининг бош қаҳрамонини топиш учун расмий сўров келиб тушган.

Шуниси эътиборга лойиқки, дастлаб кичкинтой Бунинг ролига болалар қидирилганида, улар кунига 4 соатдан кўп ишлай олмаслиги ва бунинг натижасида суратга олиш ишлари узоққа чўзилиши инобатга олинган.

Режиссёр шунинг учун ҳам фильмнинг премьерасини кечиктирилишини хоҳламаган ва бунинг ечимини топган. У эгизак болаларнинг алмашиб рол ижро этиши вақтни тежашини тушуниб етган ва бош қаҳрамон учун бир хил эгизак болаларни излашга қарор қилган.

Сюзан Уортон ўз омадини синаб кўришга қарор қилиб, кастингга эгизак чақалоқларининг фотосуратини юборади. Орадан бир ҳафта ўтгач, Адам ва Жейкоб Уортон кичик Бунинг ролига тасдиқлангани ҳақида хабар келган. Ўша вақтда улар эндигина 9 ойлик эди. Аммо эгизаклар ўз вазифасини мукаммал даражада уддалаган, фильм эса нафақат Америкада, балки бошқа мамлакатларда ҳам муваффақиятга эришган.

Комедиядан кейинги ҳаёт

Кўплаб режиссёрларнинг таклифига қарамай, эгизаклар бошқа фильмларда суратга тушмаган. Ҳозирда улар актёр бўлиш нималиги ва унга қандай амал қилишни билмайди. Уларнинг онаси Сюзан фарзандлари учун машҳурликдан узоқ бўлган оддий ҳаётни танлаган.

Актёрлар Адам ва Жейкоб ўрта мактабни муваффақиятли тамомлаб, Делавер университетига ўқишга кирган. Йигитлар бир-бирига ўхшаш бўлгани билан, ҳаётга қараши турлича.

Адам Роберт ўқувчилик пайтидан бери мода оламига қизиқиб келган. У дизайнерликда ўқиб юрган ватқидаёқ илк тўпламини тақдим этган. Дипломга эга бўлгач, ўз касбида жиддий фаолият юрита бошлаган. Адам замонавий кийимлар яратади, Европа бўйлаб саёҳат қилади. У моддий жиҳатдан анча оёққа туриб олган.  

Жейкоб Жозеф эса ота касбини танлашга қарор қилган. У болалигиданоқ мазали таом тайёрлашни ва ошхонада тажриба қилишни яхши кўради. У ота-онасидан ўрнак олган ҳолда улар билан маслаҳатлашиб иш тутади. Келажакда Жейкоб ресторан бизнеси билан шуғулланишни режалаштирган ва ўз орзусини ҳанузгача ўзгартирмаган. Ҳозирда кичик Уортон касалхонада ошпаз бўлиб ишлайди. Шунингдек, ресторан бошқарувини хотиржамлик билан ўз зиммасига олиши мумкинлигини ҳам истисно қилмайди. Бундан ташқари, Жейкоб аллақачон қандолатчи бўлиб ишлаб, ўзига хос ширинликлар ишлаб чиқарган. Кичик Уортон ҳам ҳали оила борасида ўйлаб кўрмаган.

9 ойлигида машҳурликка эришган эгизакларни бугун ҳеч ким эсламас, ҳатто танимас ҳам. Аммо улар ўз мақсадларига омманинг эътиборига тушмасдан ҳам эришди.