Тошкент шаҳрининг Сергели тумани Қумариқ кўчасида 9 май куни соат 17:00 ларда 2000 йилда туғилган ҳайдовчи А.Х. Kia русумли автомашинасини бошқариб кетаётиб, 1997 йилда туғилган пиёда Д.К.ни уриб юборган. Бу ҳақда Тошкент шаҳар ИИББ ЙҲХБ ахборот хизмати хабар берди.
ЙТҲ сабаб пиёда олган тан жароҳатлари оқибатида шифохонага олиб борилганда вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Тергов давом этмоқда.
Изоҳ (0)