Қозоғистоннинг Ақтўбе вилояти, Алгин туманидан ўтган Республика аҳамиятига эга Самара—Шимкент автомобиль йўлининг 678 км да 3 апрель куни соат тахминан 17:00 ларда Toyota-Alhpard ҳамда Volvo юк автомобили иштирокида ЙТҲ содир бўлган. Бу ҳақда Ўзбекистон Фавқулодда вазиятлар вазирлиги матбуот хизмати хабар берди.
ЙТҲ натижасида Toyota-Alhpard автомобилида бўлган жами 8 нафар Ўзбекистон фуқароси олган тан жароҳатлари натижасида воқеа жойида вафот этган.
Шавкат Мирзиёевнинг топшириғига асосан, бахтсиз ҳодисада вафот этганларни Мудофаа вазирлигининг махсус ҳаво борти орқали ватанга олиб келиш ва дафн этиш маросимларини ўтказиш бўйича ҳукумат комиссияси тузилиб, керакли барча зарур чора-тадбирлар кўрилмоқда.
“Ўзбекистон Фавқудодда вазиятлар вазирлиги масъуллари қозоғистонлик ҳамкасблари билан доимий алоқада бўлиб, бахтсиз ҳодисанинг келиб чиқиш сабабларини ўрганиш бўйича ҳамкорлик ишларини олиб бормоқда”, — дейилади хабарда.
Изоҳ (0)