Венгрия Россиянинг музлатилган активларидан тушган даромадларни Украинанинг ҳарбий эҳтиёжларига ўтказишга тўсқинлик қилмоқда, дея манбаларга таяниб, Financial Times (FТ) хабар берди.
Дастлабки келишувга кўра, Европа Иттифоқи давлатлари Бельгиядаги Euroclear депозитарийсида сақланадиган 190 миллиард евро миқдоридаги Россия активларидан тушган даромаддан Украинага ҳар йили 2 миллиард еврогача маблағ ўтказиш ниятида эди. FТ’га кўра, қарор бир овоздан қабул қилиниши керак эди, аммо Венгрия бунга қарши овоз берган. Бироқ, қонунга вето қўйилмаган.
Ҳозирда улар Украинани ҳарбий қўллаб-қувватлаш билан боғлиқ ҳамма нарсага тўсқинлик қилмоқда, — деди нашр суҳбатдошларидан бири.
Яна бир FТ манбаси Европа Иттифоқи раҳбарияти Венгрияга блокланган активлар улуши қурол сотиб олишга ишлатилмаслиги учун келишув таклиф қилганини айтган. Унинг сўзларига кўра, шу туфайли Будапешт Европа Иттифоқи томонидан илгари сурилган механизмга вето қўймаган, кечикишлар яратиш билан чекланган.
Аввалроқ ЕИ Россиянинг музлатилган активларидан тушган даромадларни Украинага ўтказишни маъқуллаган эди. Келишувга кўра, Европа депозитарийлари Россия активларини бошқаришдан олинган соф фойданинг 99,7 фоизини Европа Иттифоқи бюджетига ўтказишлари, кейинчалик пул Украинага ёрдам учун юборилиши керак.
Киев фойданинг потенциал ўтказилишини қўллаб-қувватлаган, аммо Украинанинг барча ҳарбий эҳтиёжлари билан солиштирганда, бу миқдор деярли ҳеч нарса эканлигини таъкидлаган.
Изоҳ (0)