Буюк Британия бош вазири Риши Сунак, агар консерваторлар навбатдаги умумий сайловларда ғалаба қозонса, ёшлар учун мажбурий ҳарбий хизмат ёки муқобил хизматни жорий этиш ниятида эканлигини маълум қилди.
Шуниндек, у мамлакатда 4 июль куни умумий сайловлар ўтказилишини эълон қилди. Ипсос сўровига кўра, мамлакатда ҳукмрон консерваторларнинг рейтинги 1978 йилдан буён рекорд даражада пасайган – 19 фоиз, мухолифатдаги лейбористлар эса улардан 25 фоиз олдинда.
Биз бугунги Британия учун ҳарбий хизматга чақирувга ўзгартиришлар киритамиз. 18 ёшли барча ўсмирлар Буюк Британияда келиб чиқиши ва қаерда яшашидан қатъи назар, ушбу янги чақирувдан ўтадилар, —дейди британиялик вазир.
Сунакнинг сўзларига кўра, ёшларда Британия армиясида бир йил давомида ҳарбий хизмат ўташ ва дам олиш кунлари қутқарув хизмати ва бошқа тузилмаларда кўнгиллилик кўринишидаги 25 кунлик хизмат ўртасида танлов бўлади
Унинг таъкидлашича, янги дастур ёш британияликларга ўз мамлакатини ривожлантиришга ёрдам бериб, фойдали кўникмаларга эга бўлиш имконини беради. У фуқаролик нафақат ҳуқуқлар, балки муайян мажбуриятларни ҳам ўз зиммасига олишини қўшимча қилган.
У иккита қизининг хизмат қилишини интизорлик билан кутаётганини қўшимча қилган.
Аввалроқ Британия ҳукумати ҳарбий хизматни жорий этишни режалаштирмаётганини айтган эди. Тимес нашрига кўра, Британия армиясининг сони ўн йил ичида жорий тахминан 75 минг аскардан 52 минг кишигача қисқариши мумкин.
Изоҳ (0)