АҚШ ҳукумати Россияда фаолиятини давом эттираётган хорижий банкларга нисбатан иккиламчи санкцияларни кучайтириш имкониятини кўриб чиқмоқда. Бу ҳақда АҚШ молия вазири Жанет Еллен хабар берди.
Вазир қайси банклар ва қандай чеклов чоралари ҳақида гапираётганига аниқлик киритмаган.
Санкциялар, агар керак бўлсагина қўлланилади, аммо Россияда ишлаётган банклар бу жуда хавфли эканлигини тушунишлари керак, — деди АҚШ Ғазначилиги раҳбари.
Еллен Россиянинг Хитой, Бирлашган Араб Амирликлари ва Туркия орқали амалга оширилган транзакцияларини тилга олиб, Россия ҳарбий ишлаб чиқаришни кўпайтириш учун зарур бўлган товарларни олиш имкониятини топганидан хавотир билдирган.
Италияда бўлиб ўтган G7 мамлакатлари молия вазирликлари раҳбарларининг учрашуви чоғида Италия банки раҳбари Фабио Панетта Италия банклари Россия бозорини тарк этиш бўйича аниқ кўрсатмалар олганини айтган.
Россия-Украина уруши бошланганидан сўнг, АҚШ, Европа Иттифоқи давлатлари йирик рус банкларига қарши санкциялар жорий этган эди.
Изоҳ (0)