“Катта дубулға” турнирларининг 22 карра чемпиони, дунёнинг собиқ биринчи рақамли теннисчиси, 37 ёшли испаниялик Рафаэль Надаль Мадриддаги “Мастерс” туркумидаги турнирнинг 1/8 финалда Чехия вакили Иржи Леҳечка (5:7, 4:6) билан ўйиндаги мағлубиятини эмоционал тарзда изоҳлади.
“Мен ҳақиқатан ҳам бахтлиман. Бу мен учун ўзгача ҳафта бўлди. Жуда ижобий, ҳиссиётларга бой. Яна бу кортда ўйнаш имкониятига эга бўлганимдан хурсандман. Фаолиятим давомида менга ёрдам берган барчага раҳмат айтишим мумкин. Лекин ҳали фаолиятим тугамади.
Бу ерда ўйнашим менга совғадек. Мен ўзим ёқтирган иш билан шуғулланаётганимдан ҳурсандман. Мен бу мартабага эга бўлганимдан жуда бахтиёрман. Мен бундан ортиқ нарсани орзу ҳам қила олмасдим” — деди Надаль ўйиндан кейинги интервьюсида.
Эслатиб ўтамиз, Надаль учун бу Мадриддаги турнир сўнгги ўйин бўлиши мумкин, чунки у жорий мавсум охирида фаолиятини якунламоқчи.
Надальни мағлубиятга учратган Леҳечка турнирнинг навбатдаги турида россиялик Даниил Медведев билан баҳс олиб боради.
Изоҳ (0)