“Ювентус”нинг собиқ дарвозабони Жанлуижжи Буффон келажаги ҳақидаги саволга жавоб берди.
“Мен келажагимни қандай кўраман? Айтайлик, спорт директори ёки бош мураббий сифатида. Менда ҳали ҳам жавоб йўқ. Мен, албатта, бирон иш билан шуғулланишни хоҳлайман.
Спорт директори курсини тугатдим. Январь ойида Боккони университетида бизнес ва бошқарув бўйича магистр даражасини олиш учун ўқишни бошладим, уни май ойида тугатаман. Мен қайсидир клубда ишлашим аниқ”, — дея Буффон сўзларини келтиради La Republicca.
Эслатиб ўтамиз, 2023 йилнинг 2 август куни Буффон футболчилик фаолиятини якунлашини эълон қилган эди. Жанлуижжи “Парма” академиясининг битирувчиси ҳисобланади. У 1995 йилдан 2001 йилгача ушбу клубда ўйнаган, шундан сўнг у 17 йил давомида “Ювентус”да ўйнаган ва у ердан “ПСЖ”га кетган.
Икки йил давом этган Франциядаги фаолиятдан сўнг Буффон дастлаб “Ювентус”га қайтди ва 2021 йилда “Парма”га қайтди.
Турин клуби аъзоси сифатида дарвозабон 10 марта Италия чемпиони бўлган, беш марта мамлакат кубоги ва олти марта Суперкубок соҳиби бўлган. 2006 йилда Италия терма жамоаси таркибида Жанлуижжи Буффон жаҳон чемпионатида ғолиб чиқди.
Изоҳ (0)