Тошкент вилояти божхона бошқармаси томонидан мамлакат ҳудудига ҳужжатлари бўлмаган товар-моддий бойликларни олиб киришга бўлган уринишларга чек қўйилди.
Хусусан, бошқарманинг Контрабандага қарши курашиш бўлими ҳамда пост ходимлари ва Товарларни классификациялаш гуруҳи ходими томонидан “Яллама” чегара божхона постида масъулияти чекланган жамият номига олиб келинган товарлар юкланган Volvo русумли автотранспорт воситаси божхона кўригидан ўтказилган.
Текширув натижасида юк кузатув ҳужжатларида кўрсатилмаган, қиймати 830 миллион сўмлик 200 минг 120 дона LED чироқлар ва 1 тонна 332,5 килограмм LED чироқларнинг эҳтиёт қисмлари борлиги аниқланган.
Ҳозирда ҳолат юзасидан текширув ҳаракатлари олиб борилмоқда.
Аввалроқ Тошкент вилоятида 110 граммдан ортиқ заргарлик буюмларини чегарадан олиб ўтмоқчи бўлган шахс тўхтатиб қолингани тўғрисида хабар берилганди.
Изоҳ (0)