Шуҳрат Аҳмедов халқ депутатлари Қўшкўпир туман кенгашининг навбатдан ташқари сессиясида Қўшкўпир тумани ҳокими лавозимига тасдиқланди. Бу ҳақда Хоразм вилояти ҳокимлиги матбуот хизмати хабар берди.
Тайинловга қадар у Тупроққалъа тумани ҳокими лавозимида фаолият олиб борган.
2023 йилнинг апрель ойидан бери Бобур Эгамов Қўшкўпир тумани ҳокими лавозимида ишлаб келаётган эди.
Шунингдек, Ойбек Холбоев халқ депутатлари Шовот туман кенгашининг навбатдан ташқари сессиясида Шовот тумани ҳокими лавозимига тасдиқланди.
Тайинловга қадар у Урганч шаҳри ҳокими лавозимида ишлаб келаётган эди.
2022 йилнинг мартидан бери Хоразм вилоят бандлик бош бошқармаси бошлиғи вазифасида ишлаб келган Одилбек Ортиқов Шовот тумани ҳокими сифатида ишлаб келаётганди.
Акмал Жималязов эса халқ депутатлари Тупроққалъа туман кенгашининг навбатдан ташқари сессиясида Тупроққалъа тумани ҳокими лавозимига тасдиқланди.
Тайинловга қадар у Хоразм вилояти қишлоқ хўжалиги бошқармаси бошлиғи лавозимида ишлаб келаётган эди.
Аввалроқ қишлоқ хўжалиги вазири ўринбосари Сайхунобод тумани ҳокими этиб тайинлангани тўғрисида хабар берилганди. Шунингдек, вазир ўринбосари Нишон туманига, Нишон ҳокими эса Муборак туманига ҳоким бўлди, Деҳқонобод ҳокими Зоир Алиқулов Қарши тумани ҳокими сифатида иш бошлади.
Изоҳ (0)