Халқ депутатлари Мирзаобод тумани кенгашининг навбатдан ташқари сессиясида Сирдарё вилояти ҳокими Акмал Маҳмудалиев, туман кенгаши депутатлари, секторлар, ташкилот ва корхоналар раҳбарлари иштирок этди. Бу ҳақда вилоят ҳокимлиги матбуот хизмати хабар берди.
Сессияда Акмал Маҳмудалиев туман ҳокими лавозимига айни кунга қадар Ширин шаҳар ҳокими лавозимида ишлаб келаётган Сарвар Султонов номзодини тавсия этган.
Овозга қўйиш натижаларига кўра, Сарвар Султонов Мирзаобод тумани ҳокими этиб тасдиқланган.
Сессия давомида, шунингдек, туманда иқтисодиёт, тадбиркорлик, саноат, қишлоқ хўжалиги, ижтимоий соҳани ривожлантириш, аҳолига муносиб турмуш шароити яратиш борасидаги ишлар таҳлил қилиниб, келгусидаги устувор вазифалар белгилаб олинган.
Халқ депутатлари Ширин шаҳар кенгашининг навбатдан ташқари сессиясида эса Ниёз Хазратқулов шаҳар ҳокими лавозимига тасдиқланди.
Тайинловга қадар у “Turonbank” акциядорлик тижорат банки Гулистон филиали бошқарувчиси лавозимида фаолият юритиб келаётганди.
Аввалроқ Қишлоқ хўжалиги вазири ўринбосари Сайхунобод тумани ҳокими этиб тайинлангани тўғрисида хабар берилганди. Шунингдек, вазир ўринбосари Нишон туманига, Нишон ҳокими эса Муборак туманига ҳоким бўлди, Деҳқонобод ҳокими Зоир Алиқулов Қарши тумани ҳокими сифатида иш бошлади.
Изоҳ (0)