Xalq deputatlari Urganch tumani kengashining 1-aprel kungi sessiyasida ikkita tumanga hokim tayinlandi. Bu haqda Xorazm viloyati hokimligi axborot xizmati xabar berdi.
Qayd etilishicha, tuman hokimi lavozimida ishlab kelayotgan Frunze Sharipov egallab turgan lavozimidan ozod qilingani munosabati bilan Urganch tumani hokimi lavozimiga G‘ayrat Sultonov nomzodi tavsiya etildi.
Ushbu taklif tuman kengashi deputatlari tomonidan ma’qullandi. Yangi lavozimga tasdiqlangunga qadar G‘ayrat Sultonov Bosh prokuratura huzuridagi Iqtisodiy jinoyatlarga qarshi kurashish departamentining Qoraqalpog‘iston boshqarmasi boshlig‘i lavozimida ishlab kelayotgandi.
Shuningdek, sessiya davomida Bobur Egamov Xorazm viloyati Qo‘shko‘pir tumani hokimi lavozimiga tayinlandi. Bunga qadar Iqtisodiyot va moliya vazirligi huzuridagi “Loyihalar va import kontraktlarini kompleks ekspertiza qilish markazi” DUK direktori o‘rinbosari lavozimida faoliyat yuritgan.
Bundan tashqari, Shavkat Yaxshiboyev egallab turgan lavozimidan ozod qilingani munosabati bilan Bog‘ot tumani hokimi lavozimiga Jahongir Nazarov nomzodi tavsiya etildi. Muzokaralardan keyin deputatlar nomzodni bir ovozdan ma’qulladi. Yangi lavozimga tasdiqlangunga qadar Jahongir Nazarov Davlat aktivlarini boshqarish agentligi Xorazm viloyati hududiy boshqarmasi boshlig‘i lavozimida ishlab kelayotgandi.
Sessiya yakunida viloyat hokimi Jo‘rabek Rahimov so‘zga chiqib, tumanlarni ijtimoiy-iqtisodiy rivojlantirish bo‘yicha ishlab chiqilgan yo‘l xaritasi ijrosi bo‘yicha tuman faollari oldida turgan vazifalar xususida to‘xtaldi.
Izoh (1)
Тупроккалъа тумани хокими хам алмашдику